1 Etlare hobane o kene lefatsheng leo Jehova, Modimo wa hao, a o fang lona, ho ba lefa la hao, ha o se o le ruile, o ahile ho lona,
2 o tla nka dilopotsiya tsa tsohle tse behwang ke lefatshe, e leng tseo o di fumanang naheng eo Jehova, Modimo wa hao, a o fang yona o di bee serotong, o ye le tsona nqalong eo Jehova, Modimo wa hao a tla e kgetha, ho bea lebitso la hae ho yona.
3 O tla ya ho moprista ya tla ba teng mohlang oo, o re ho yena: Ke bolela kajeno pela Jehova, Modimo wa hao, hore ke kene lefatsheng leo Jehova a anetseng bontata rona hore o tla re fa lona.
4 Moprista o tla nka seroto matsohong a hao a se bee pela aletare ya Jehova, Modimo wa hao.