26 Empa Jehova a nkgalefela ka baka la lona, a se ke a nkutlwa; mme Jehova a re ho nna: Ho lekane, o se ke wa hlola o bua le nna ka taba eo.
27 Hlwella qhoweng ya Pisga, mme o ise mahlo nqa bophirimatsatsi, le nqa leboya, le nqa borwa, le nqa botjhabatsatsi, mme o bohe ka mahlo a hao; hobane haele Jordane eo, o ke ke wa ba wa e tshela.
28 O mpe o laele Joshua, o mo kgothatse, o mo natlafatse, hobane ke yena ya tla etella setjhaba sena pele, hape ke yena ya tla ba ruisa lefatshe leo o tlang ho le bona.
29 Ra dula sekgutlong, mabapa le Bethe-Peore.