14 چُنانچہ بدن میں ایک ہی عُضو نہیں بلکہ بُہت سے ہیں۔
15 اگر پاؤں کہے چُونکہ مَیں ہاتھ نہیں اِس لِئے بدن کا نہیں تو وہ اِس سبب سے بدن سے خارِج تو نہیں۔
16 اور اگر کان کہے چُونکہ مَیں آنکھ نہیں اِس لِئے بدن کا نہیں تو وہ اِس سبب سے بدن سے خارِج تو نہیں۔
17 اگر سارا بدن آنکھ ہی ہوتا تو سُننا کہاں ہوتا؟ اگر سُننا ہی سُننا ہوتا تو سُونگھنا کہاں ہوتا؟۔
18 مگر فی الواقِع خُدا نے ہر ایک عُضو کو بدن میں اپنی مرضی کے مُوافِق رکھّا ہے۔
19 اگر وہ سب ایک ہی عُضو ہوتے تو بدن کہاں ہوتا؟۔
20 مگر اب اعضا تو بُہت سے ہیں لیکن بدن ایک ہی ہے۔