26 اور اِس کے معنی یہ ہیں مِنے یعنی خُدا نے تیری مملکت کا حِساب کِیا اور اُسے تمام کر ڈالا۔
27 تقِیل یعنی تُو ترازُو میں تولا گیا اور کم نِکلا۔
28 فرِیس یعنی تیری مملکت مُنقسم ہُوئی اور مادیوں اور فارسِیوں کو دی گئی۔
29 تب بیلشضر نے حُکم کِیا اور دانی ایل کو ارغوانی خِلعت پہنایا گیا اور زرِّین طَوق اُس کے گلے میں ڈالا گیا اور مُنادی کرائی گئی کہ وہ مملکت میں تِیسرے درجہ کا حاکِم ہو۔
30 اُسی رات کوبیلشضر کسدیوں کا بادشاہ قتل ہُؤا۔
31 اور دارا مادی نے باسٹھ برس کی عُمر میں اُس کی سلطنت حاصِل کی۔