Izenzo

²⁷Nkosi Agripha, uyakholwa ngabaprofethi na? Ngiyazi ukuthi uyakholwa.” ²⁸U-Agripha wathi kuPawulu: “Kusilele kancane ungivumise ngibe ngumKristu.” ²⁹ UPawulu wayesethi: “Bengingafisa kuNkulunkulu ukuba, noma kukancane noma kukakhulu, kungabi wena wedwa kodwa bonke abangizwayo namuhla babe njengami, ngaphandle kwalezi zibopho.” ³⁰Inkosi yayisisukuma nombusi noBernike kanye nababehlezi nabo; ³¹kwathi sebegudlukile, bakhuluma bodwa, bathi: “Lo muntu akenzi lutho olufanele ukufa noma izibopho.” ³² Kepha u-Agripha wathi kuFestu: “Lo muntu ngabe ekhululiwe, uma ebengalidluliselanga kuKesari.”