Izenzo

⁸Kepha uyise kaPhubiliyu wayelele phansi ephethwe ngumkhuhlane nembo; uPawulu wangena kuye, wakhuleka, wabeka izandla phezu kwakhe, wamphilisa. ⁹Kwathi lokho sekwenzekile, beza nabanye abasesiqhingini abanezifo, baphulukiswa, ¹⁰basitusa ngokutusa okuningi; kwathi mhla simuka ngomkhumbi, basinika esikudingayo. ¹¹Emva kwezinyanga ezintathu sase simuka ngomkhumbi wase-Aleksandriya owawudlulisa ubusika esiqhingini, uphawu lwawo lungolwamaWele. ¹²Sangena eSirakhuse, sahlala izinsuku ezintathu; ¹³sasuka lapho, sagwegwesa, safika eRegiyu. Sekudlule usuku lwaba lunye, kwavuka iningizimu, safika ePhutheyoli ngosuku lwesibili. ¹⁴Safumana khona abazalwane, sancengwa ukuba sihlale nabo izinsuku eziyisikhombisa; kanjalo safika eRoma.