Izenzo

²⁷Wayesesuka wahamba. Bheka, nansi indoda yase-Etiyopiya, umthenwa, isikhulu sikaKhandakhe inkosikazi yase-Etiyopiya, ebiphezu kwengcebo yayo yonke, ebifikile eJerusalema izakukhuleka; ²⁸ibisibuya, ihlezi enqoleni yayo, ifunda umprofethi u-Isaya. ²⁹UMoya wathi kuFiliphu: “Sondela, unamathele kuleyo nqola.” ³⁰UFiliphu wayesegijimela kuyo, wayizwa ifunda umprofethi u-Isaya, wathi: “Uyakuqonda kambe lokhu okufundayo na?” ³¹Yona yathi: “Ngingakwazi kanjani, uma kungekho ongiholayo na?” Yamnxusa uFiliphu ukuba akhwele ahlale nayo. ³² Kepha isahlukwana sombhalo ebisifunda yilesi esithi:“Wayiswa ekuhlatshweni njengemvu;njengewundlu elithule phambi komgundi walokanjalo kawuvulanga umlomo wakhe. ³³Ekuthobeleni kwakheukwahlulelwa kwakhe kwasuswa.Ngubani ongalanda ngesizukulwane sakhe na?Ngokuba ukuphila kwakhe kuyasuswa emhlabeni.”