Izenzo
Izahluko 9:23-29
Ibhayibheli Elingcwele
23 Sekudlule izinsuku eziningi, abaJuda benza icebo lokuba bambulale.
24Kepha icebo labo laziwa nguSawulu. Babemhlalela nasemasangweni imini nobusuku ukuba bambulale.
25Abafundi base bemthatha ebusuku, bamehlisa ogangeni, bemewula ngeqoma.
26 Esefikile eJerusalema wazama ukuzihlanganisa nabafundi; kepha bonke bamesaba, bengakholwa ukuthi ungumfundi.
27Kodwa uBarnaba wamthatha, wamyisa kubaphostoli, wabalandisa ngokuthi uyibonile iNkosi endleleni, nokuthi ikhulumile kuye, nokuthi eDamaseku wayeshumayele ngesibindi ngegama likaJesu.
28Wayenabo eJerusalema, engena ephuma, eshumayela ngesibindi ngegama leNkosi,
29ekhuluma ephikisana nabaJuda abakhuluma isiGreki; bona bazama ukumbulala.