Izenzo

²⁵Abafundi base bemthatha ebusuku, bamehlisa ogangeni, bemewula ngeqoma. ²⁶ Esefikile eJerusalema wazama ukuzihlanganisa nabafundi; kepha bonke bamesaba, bengakholwa ukuthi ungumfundi. ²⁷Kodwa uBarnaba wamthatha, wamyisa kubaphostoli, wabalandisa ngokuthi uyibonile iNkosi endleleni, nokuthi ikhulumile kuye, nokuthi eDamaseku wayeshumayele ngesibindi ngegama likaJesu. ²⁸Wayenabo eJerusalema, engena ephuma, eshumayela ngesibindi ngegama leNkosi, ²⁹ekhuluma ephikisana nabaJuda abakhuluma isiGreki; bona bazama ukumbulala. ³⁰Abazalwane sebekwazi lokho bamehlisela eKesariya, bamthumela eTarsu. ³¹Njalo-ke ibandla laba nokuthula kulo lonke laseJudiya, naseGalile, naseSamariya, lakheka, lihamba ekwesabeni iNkosi, landa ngenduduzo kaMoya oNgcwele.