1 Moses het vir die Here gesê: “Miskien sal die Israeliete my nie glo nie en nie na my luister nie. Hulle sal sê: ‘Die Here het nie aan jou verskyn nie.’ ”
2 Toe sê die Here vir hom: “Wat is in jou hand?”En Moses sê: “’n Kierie.”
3 Die Here sê toe vir hom: “Gooi dit op die grond.”Moses het die kierie op die grond gegooi, en die kierie het in ’n slang verander. Moses het weggespring van die slang.
4 Toe sê die Here vir Moses: “Gryp die slang aan sy stert.”Moses het die slang gegryp, en toe het die slang in sy hand weer in ’n kierie verander.