1 In dié dae het Hizkiyahu dodelik siek geword en Yesha’yahu, die profeet, die seun van Amotz, het by hom gekom en vir hom gesê: “So sê יהוה: ‘Kry jou huis in orde, want jy sal sterf en nie lewe nie.’”
2 Toe het hy sy gesig na die muur gedraai en gebid tot יהוה en gesê:
3 “Onthou nou, יהוה, ek smeek U, hoe ek voor U Teenwoordigheid in waarheid en met ’n volmaakte verstand, wil en emosie geloop het en gedoen het wat goed is in u oë.” Hizkiyahu het bitterlik gehuil.
4 Voordat Yesha’yahu by die middelste hof uitgegaan het, het die woord van יהוה tot hom gekom en gesê:
5 “Gaan terug en sê vir Hizkiyahu, die leier van My volk: “So sê יהוה, die God van jou vader, Dawid: ‘Ek het jou gebed gehoor, Ek het jou trane gesien; let op, Ek sal jou genees. Op die derde dag sal jy opgaan na die huis van יהוה.