1 Hierdie is die opdragte, die reëls en die wette wat יהוה, julle God, my beveel het om julle te leer sodat julle dit kan doen in die land waarheen julle oortrek, om dit te besit;
2 dat jy יהוה, jou God, respekvol kan vrees om al Sy reëls en Sy opdragte, wat ek jou beveel, te doen, jy en jou kinders en jou kleinkinders, al die dae van jou lewe en dat jou dae verleng mag word.
3 O, Yisra’el, jy moet luister en wees versigtig om dit te doen sodat dit met jou goed mag gaan en dat julle baie kan vermenigvuldig soos יהוה, die God van jou vaders, jou beloof het, in ’n land wat vloei met melk en heuning.Yog 10:30
4 Luister, hoor en doen Yisra’el, יהוה is ons God; יהוה is Een.Deut 10:12; Mat 22:37; Mar 12:29,30; Luk 10:27; Rom 8:28
5 Jy moet יהוה, jou God, liefhê met jou hele verstand en wil en met jou hele lewe en met al jou vermoëns.
6 Hierdie woorde wat ek jou vandag beveel, moet in jou verstand, wil en emosie wees.
7 Jy moet dit ywerig vir jou kinders leer en daaroor praat as jy in jou huis sit, as jy op pad is, as jy gaan lê en as jy opstaan.Eks 13:9,16; Open 13:16
8 Jy moet dit as ’n teken bind op jou hand en dit moet as ’n voorkopband tussen jou oë wees.
9 Jy moet dit op die kosyne van jou huis en op jou hekke skryf,
10 dan sal dit gebeur, wanneer יהוה, jou God, jou inbring in die land, wat Hy aan jou vaders, Avraham, Yitz’gak en Ya’akov met ’n eed beloof het sodat Hy vir jou groot en mooi stede sal gee wat jy nie gebou het nie,
11 huise vol allerlei goed, wat jy nie vol gemaak het nie, uitgekapte putte, wat jy nie gegrawe het nie en wingerde en olyfbome, wat jy nie geplant het nie en jy sal eet en versadig wees,
12 wees dan versigtig dat jy יהוה nie vergeet, wat jou uit die land van Mitzrayim, uit die huis van slawerny, uitgebring het nie.Deut 10:20; Mat 4:10; Luk 4:8 en by Sy Naam (Karakter en Outoriteit) moet jy sweer.
13 Jy moet יהוה, jou God, respekvol vrees, Hom dien
14 Julle mag nie agter ander gode aan gaan; enige van die gode van die volke wat rondom julle is nie
15 sodat die woede van יהוה, julle God, nie teen julle brand en Hy julle van die aarde af vee nie, want יהוה, julle God, is ’n jaloerse, Magtige God tussen julle.Mat 4:7; Luk 4:12 soos julle Hom by Massah getoets het nie.
16 Julle mag יהוה, julle God, nie toets
17 Julle moet die opdragte van יהוה, julle God, Sy getuienisse en Sy reëls wat Hy julle beveel het, ywerig onderhou.
18 Jy moet doen wat reg en goed is in die oë van יהוה sodat dit met jou goed mag gaan en jy kan ingaan en die goeie land kan besit wat יהוה aan jou vaders met ’n eed beloof het,
19 deur al jou vyande voor jou uit te dryf; soos יהוה gesê het.
20 Wanneer jou seun jou in die toekoms vra en sê: ‘Wat beteken die getuienisse, die reëls en die wette wat יהוה, ons God, julle beveel het?’,
21 dan moet jy aan jou seun sê: ‘Ons was slawe van Farao in Mitzrayim en יהוה het ons deur ’n magtige hand uit Mitzrayim uitgebring.
22 יהוה het groot en ontstellende tekens en wonders voor ons oë, in Mitzrayim, aan Farao en sy hele huis gedoen.
23 Hy het ons daarvandaan uitgelei om ons in te bring, om aan ons die land te gee wat Hy aan ons vaders met ’n eed beloof het.
24 יהוה het ons dus beveel om al hierdie reëls na te kom, om יהוה, ons God, respekvol te vrees sodat dit met ons altyd goed mag gaan, vir ons oorlewing, soos dit vandag is.
25 Dit sal onpartydige opregtheid vir ons wees, as ons versigtig is om al hierdie opdragte te hou voor die Teenwoordigheid van יהוה, ons God, net soos Hy ons beveel het.Hand 13:19