32 Ons bevestig ook oor onsself die opdrag, om ’n derde van ’n sikkel op die Shabbat te gee vir die werk van die huis van ons God,
33 vir die brode van die Teenwoordigheid, die voortdurende graanoffer en die voortdurende brandoffers van die Shabbatte, van die Nuwemane, die feeste en vir die afgesonderde dinge en vir die sondoffers om vir Yisra’el toedekking te doen en vir al die werk in die huis van ons God
34 en hulle het die lot gewerp tussen die priesters, die Leviete en die volk vir die lewering van hout, om dit in die huis van יהוה, ons God, te bring, soos dit in die boek van die wet geskryf is;
35 om die eerstelinge van ons grond en die eerstelinge van al die vrugtebome jaar na jaar na die huis van יהוה te bring;
36 ook die eersgeborenes van ons seuns en ons beeste, soos dit geskryf is in die wet van יהוה en die eerstelinge van ons troppe en ons kleinvee te bring na die huis van ons God, na die priesters wat diens doen in die huis van ons God;
37 om die eerstelinge van ons deeg, ons parskuip en van die vrugte van alle soorte bome, van wyn en van olie, te bring na die priesters wat bedien voor ons God en die tiendes van ons grond aan die Leviete sodat die Leviete die tiendes mag vat vanaf al die landelike dorpe.
38 Die priester, die seun van Aharon, moet ingesluit word by die Leviete in die verdeling van hulle tiendes en die Leviete moet ’n tiende van die tiendes na die huis van ons God bring, na die stoorkamers in die skathuis,