1 Die woord van יהוה het tot my gekom en gesê:
2 “Seun van ’n mens, lê ’n raaisel voor aan die huis van Yisra’el en praat met hulle in ’n vergelykende storie
3 en sê: ‘So sê יהוה-God: “’n Groot arend met groot vlerke, lang vlerkvere, met ’n vol veelkleurige veredos, het na die L’vanon gekom en die top van die seder weggevat.
4 Hy het die heel boonste van sy jong takkies afgepluk en dit na die land van handelaars gebring; hy het dit neergesit in ’n stad van handelaars.
5 Hy het ook van die saad van die land gevat en dit in vrugbare grond geplant. Hy het dit langs oorvloedige waters neergesit en toe ’n wag daaroor aangestel.