1 Die woord van יהוה het tot my gekom en gesê:
2 “Seun van ’n mens, draai jou gesig teen die berge van Yisra’el en profeteer teen hulle
3 en sê: ‘Berge van Yisra’el, hoor en luister na die woord van יהוה-God! So sê יהוהGod vir die berge, die heuwels, die klowe en vir die valleie: “Let op, Ek gaan self ’n swaard oor julle bring en Ek sal julle hoë plekke vernietig.
4 So sal julle altare verlate word en julle wierook altare stukkend gebreek word en Ek sal die wat uit julle doodgemaak is, voor julle afgode laat val.
5 Ek sal ook die lyke van die seuns van Yisra’el voor hulle afgode neerlê en julle beendere rondom julle altare strooi.
6 In al julle blyplekke sal stede verwoes word en die hoë plekke verlate wees sodat julle altare verwoes en verlate mag word, julle afgode verbreek en tot ’n einde gebring word, julle wierook altare omgekap en julle werke uitgewis word.
7 Die wat doodgeslaan is, sal onder julle val en julle sal weet dat Ek יהוה is.
8 Ek sal egter ’n oorblyfsel los, want julle sal hulle hê wat die swaard ontvlug tussen die nasies, wanneer julle verstrooi is tussen die lande.
9 Dan sal dié wat uit julle ontvlug het, My onthou tussen die nasies waarheen hulle as gevangenes weggevoer is, hoe Ek deur hulle hoererende verstand, wil en emosie, wat van My af weggedraai het en deur hulle oë wat agter hulle afgode aan hoereer het, seergemaak is en hulle sal hulself verag in hul eie oë weens die booshede wat hulle gedoen het, vir al hulle verwerplikhede.
10 Dan sal hulle weet dat Ek יהוה is; Ek het nie tevergeefs gesê dat Ek hierdie ramp oor hulle sal bring nie.’”
11 So sê יהוה-God: ‘Klap jou hand en stamp jou voet en sê: “Wee, as gevolg van al die bose verwerplikhede van die huis van Yisra’el, wat deur swaard, hongersnood en plaag gaan val!
12 Hy wat ver is, sal deur die plaag sterf, hy wat naby is, sal deur die swaard val en hy wat oorbly en beleër is, sal deur die hongersnood sterf. So sal Ek My toorn teen hulle laat uitwoed.
13 Dan sal julle weet dat Ek יהוה is, wanneer die wat uit hulle neergeslaan is, tussen hulle afgode rondom hulle altare op elke hoë heuwel lê, op al die bergtoppe en onder elke groen boom en onder elke digte eikeboom; die plekke waar hulle kalmerende aromas aan hulle afgode geoffer het.
14 So sal Ek deur al hulle blyplekke My hand teen hulle uitstrek en die land meer verlate en ’n puinhoop maak as die wildernis naby Divlah; so sal hulle weet dat Ek יהוה is.”’”