1 Giingnan ako sa Ginoo,
2 “Tawo, silotan mo ba ang siyudad nga napuno sa pinatyanay? Kon mao, ipakita kaniya ang iyang salawayong binuhatan.
3 Sultihi siya nga mao kini ang giingon sa Ginoong Dios: Ikaw usa ka siyudad nga nagpatay sa kaugalingon mong katawhan ug naghimog mga diosdios aron paghugawhugaw sa imong kaugalingon. Karon ang imong takna nagsingabot na!
4 Sad-an ka sa mga kinabuhi nga imong gipamatay ug nahugawan ka tungod sa mga diosdios nga imong gipanghimo ug tungod niini nagdapit ka sa sayo mong kalaglagan. Busa gihimo ko ikaw nga kataw-anan ug bugalbugalan sa ubang kanasoran.
5 Ang anaa sa imong duol ingon man kadtong atua sa layo mobugalbugal kanimo tungod sa daotan mong dungog ug sa kasamok nga anaa kanimo.