28 Gitabonan sa iyang mga propeta ang ilang mga sala pinaagi sa mini nga mga panan-awon ug bakak nga mga panagna. Miingon sila, ‘Mao kini ang giingon sa Ginoong Dios’ bisag wala ako magsulti niini.
29 Nanglimbong ug nangawat ang mga dato. Gidaugdaog nila ang mga kabos ug mga timawa ug gilimbongan nila ang mga dumuduong.
30 Nangita akog tawo diha kanila nga maoy motukod sa paril ug manalipod sa lungag niini aron dili ko na kini gun-obon sa adlaw nga ipahamtang ko ang akong kapungot apan wala akoy nakit-an.
31 Busa gipahamtang ko kanila ang akong kasuko; gipuo ko sila sa kalayo sa akong kapungot ug gipaninglan ko sila sa ilang binuhatan,” nag-ingon ang Ginoong Dios.