35 Panalipdan ug luwason ko kining siyudara tungod sa akong ngalan ug tungod sa akong gisaad sa akong alagad nga si David.”
36 Unya ang anghel sa Ginoo miadto sa kampo sa taga-Asiria ug gipatay niya ang 185,000 ka mga sundalo. Sa pagkabuntag nakita na lamang nga nagbuy-od kining tanan nga patay na.
37 Ug si Senakerib nga hari sa Asiria mipauli sa Ninibe.
38 Usa ka adlaw niana samtang nag-ampo siya didto sa templo sa iyang dios nga si Nesroc, gipatay siya sa iyang mga anak nga si Adramelec ug si Sherezer. Unya nanglayas sila ngadto sa yuta sa Ararat. Ang lain niyang anak nga si Esarhadon maoy mipuli kaniya paghari.