1 Nianang panahona, pito ka mga babaye ang mag-ilog sa usa ka lalaki. Moingon sila, “Kami na ang bahala sa among pagkaon ug bisti, pangasaw-a lang kami aron dili kami maulawan nga wala kami bana.”
2 Moabot ang adlaw nga palabongon ug patahomon sa Ginoo ang mga tanom sa Israel, ug ang mga abot sa yuta mahimong garbo ug dungog sa mga nangahibiling mga tawo sa Israel.
3 Tawgon nga balaan ang mga nangahibiling buhi sa Jerusalem.
4 Pinaagi sa iyang gahom hukman ug limpyohan niya ang kahugaw sa mga babaye sa Jerusalem ug ang mga pinatyanay didtong dapita.
5 Unya maghimo ang Ginoo ug panganod nga maghatag ug landong sa Jerusalem ug sa mga nagatigom didto. Ug maghimo usab siyag nagadilaab nga kalayo nga maghatag ug kahayag sa kagabhion. Motabon kini sila sa Jerusalem sama sa usa ka lapad nga tolda.
6 Ug sama kini sa payag-payag nga magahatag ug landong gikan sa kainit sa adlaw, ug mahimong silonganan kon may bagyo ug ulan.