33 Oni bai fod y dyn hwn o Dduw, ni allai wneud dim.”
34 Atebodd y Phariseaid ef, “Fe'th aned di yn gyfan gwbl mewn pechod, ac a wyt ti yn ein dysgu ni?” Yna taflasant ef allan.
35 Clywodd Iesu eu bod wedi ei daflu allan, a phan gafodd hyd iddo gofynnodd iddo, “A wyt ti'n credu ym Mab y Dyn?”
36 Atebodd yntau, “Pwy yw ef, syr, er mwyn imi gredu ynddo?”
37 Meddai Iesu wrtho, “Yr wyt wedi ei weld ef. Yr un sy'n siarad â thi, hwnnw yw ef.”
38 “Yr wyf yn credu, Arglwydd,” meddai'r dyn, gan ymgrymu o'i flaen.
39 A dywedodd Iesu, “I farnu y deuthum i i'r byd hwn, er mwyn i'r rhai nad ydynt yn gweld gael gweld, ac i'r rhai sydd yn gweld fynd yn ddall.”