1 Gair yr Arglwydd a ddaeth ataf drachefn, gan ddywedyd,
2 Tithau fab dyn, cyfod alarnad am Tyrus;
3 A dywed wrth Tyrus, O dydi yr hon wyt yn trigo wrth borthladdoedd y môr, marchnadyddes y bobloedd i ynysoedd lawer, fel hyn y dywed yr Arglwydd Dduw; Tyrus, ti a ddywedaist, Myfi wyf berffaith o degwch.
4 Dy derfynau sydd yng nghanol y môr; dy adeiladwyr a berffeithiasant dy degwch.
5 Adeiladasant dy holl ystyllod o ffynidwydd o Senir: cymerasant gedrwydd o Libanus i wneuthur hwylbren i ti.