21 Ez urrundu, deus ere ez diren idoloen atzetik joateko, ez baitzenituzkete ezertarako izango; horiek ez zaituztete salbatuko, hutsa baino ez baitira.
22 Ez du, ez, utziko Jaunak bere herria, oso handia baita bera, eta bere herri egin nahi izan baitzaituzte.
23 Niri dagokidanez, ez dezadala Jaunaren kontra bekaturik egin, zuen alde otoitz egiteari utziz. Bide on eta zuzena erakutsiko dizuet.
24 Izan, beraz, begirune Jaunari, zerbitzatu bera zintzo eta bihotz-bihotzez, ikusi baituzue nolako egintza harrigarriak egin dituen zuen alde.
25 Baina gaiztoaren gaiztoz oker jokatzen baduzue, galdu egingo zarete bai zuek, bai zuen erregea.