4 Si spiritus potestatem habentis ascenderit super te,locum tuum ne demiseris,quia curatio faciet cessare peccata maxima.
5 Est malum quod vidi sub sole,quasi per errorem egrediens a facie principis :
6 positum stultum in dignitate sublimi,et divites sedere deorsum.
7 Vidi servos in equis,et principes ambulantes super terram quasi servos.
8 Qui fodit foveam incidet in eam,et qui dissipat sepem mordebit eum coluber.
9 Qui transfert lapides affligetur in eis,et qui scindit ligna vulnerabitur ab eis.
10 Si retusum fuerit ferrum,et hoc non ut prius, sed hebetatum fuerit,multo labore exacuetur,et post industriam sequetur sapientia.