1 Ne temere quid loquaris,neque cor tuum sit velox ad proferendum sermonem coram Deo.Deus enim in cælo, et tu super terram ;idcirco sint pauci sermones tui.
2 Multas curas sequuntur somnia,et in multis sermonibus invenietur stultitia.
3 Si quid vovisti Deo,ne moreris reddere :displicet enim ei infidelis et stulta promissio,sed quodcumque voveris redde :
4 multoque melius est non vovere,quam post votum promissa non reddere.