39 A mari enim abundavit cogitatio ejus,et consilium illius ab abysso magna.
40 Ego sapientiam effudi flumina :
41 ego quasi trames aquæ immensæ de fluvio :ego quasi fluvii dioryx,et sicut aquæductus exivi de paradiso.
42 Dixi : Rigabo hortum meum plantationum,et inebriabo prati mei fructum.
43 Et ecce factus est mihi trames abundans,et fluvius meus appropinquavit ad mare :
44 quoniam doctrinam quasi antelucanum illumino omnibus,et enarrabo illam usque ad longinquum.
45 Penetrabo omnes inferiores partes terræ,et inspiciam omnes dormientes,et illuminabo omnes sperantes in Domino.