1 In tribus placitum est spiritui meo,quæ sunt probata coram Deo et hominibus :
2 concordia fratrum,et amor proximorum,et vir et mulier bene sibi consentientes.
3 Tres species odivit anima mea,et aggravor valde animæ illorum :
4 pauperem superbum, divitem mendacem,senem fatuum et insensatum.
5 Quæ in juventute tua non congregasti,quomodo in senectute tua invenies ?
6 Quam speciosum canitiei judicium,et presbyteris cognoscere consilium !