19 зашто знам дека ова - преку вашата молитва и помошта на Духот на Исуса Христа, ќе ми биде за избавување,
20 согласно моето цврсто очекување и надеж, дека во ништо нема да се засрамам; но како и секогаш во сета смелост, така и сега, Христос ќе се возвеличи во моето тело, било преку живот, или преку смрт.
21 Зашто за мене живот е Христос, а умирањето - придобивка.
22 Но ако и натаму живеам во телото, тоа за мене значи: плодна работа - и не знам што да изберам.
23 Притиснат сум од две страни: имам желба да си отидам и да бидам со Христа, што е далеку подобро,
24 но заради вас е попотребно да останам во телото.
25 И наполно уверен во тоа, знам дека ќе останам и ќе продолжам со сите вас, за ваше напредување и за радост во верата.