7 Зашто, секаков вид ѕверови и птици, лазачи и морски животни, се скротуваат и се скротени од човечкиот род,
8 но никој од луѓето не може да го скроти јазикот, немирно зло, полн со смртоносен отров.
9 Со него Го благословуваме нашиот Господ и Татко, и со него ги проколнуваме луѓето, кои се создадени според Божјо подобие.
10 Од истата уста излегува благослов и проклетство. Тоа не смее, браќа мои, да биде така.
11 Тече ли од изворот, од ист отвор, слатка и горчлива вода?
12 Може ли, браќа мои, смоквата да роди маслинки, или лозата смокви? Така ни солениот извор не може да даде слатка вода.
13 Кој е меѓу вас мудар и разумен? Со добро владеење нека ги покаже своите дела во мудра смиреност.