10 Бидете понизни пред Господа, и Тој ќе ве возвиши!
11 Не клеветете се еден друг, браќа; кој го клевети својот брат или го суди својот брат, го клевети законот и го суди законот. А ако го судиш законот, не си извршител на законот, туку негов судија.
12 Само еден е Законодавец и Судија, Кој може и да спаси и да погуби. А кој си ти, што го осудуваш ближниот?
13 Слушајте сега вие, кои велите: „Денес или утре ќе одиме во овој или во оној град, и таму ќе останеме една година, и ќе тргуваме и ќе спечалиме”,
14 вие, кои не знаете што ќе биде утре: зашто, што е вашиот живот? Вие сте пареа, која се јавува за миг, и потоа исчезнува.
15 Место да зборувате: „Ако Господ сака, ќе живееме и ќе направиме ова или она”,
16 вие сега се фалите во својата надуеност. Секоја таква фалба е зла.