1 Då Moses, Herrens tenar, var død, sa Herren til medhjelparen hans, Josva Nunsson:
2 Moses, tenaren min, er død. Gjer deg no ferdig til å fara over Jordan, du og heile dette folket, inn i det landet som eg vil gje israelittane.
3 Kvar stad de set foten på, gjev eg dykk, så som eg lova Moses.
4 Landet frå øydemarka og Libanon til Storelva, Eufrat, heile hetittlandet til Storhavet i vest, skal høyra dykk til.
5 Så lenge du lever, skal ingen kunna stå seg mot deg. Eg vil vera med deg, liksom eg var med Moses. Aldri skal eg sleppa deg og aldri forlata deg.