29 «Kom!» sa Jesus. Peter steig ut or båten og gjekk på vatnet, bort til Jesus.
30 Men då han såg kor hardt det bles, vart han redd og tok til å søkka. «Herre, frels meg!» ropa han.
31 Med det same rette Jesus ut handa og greip han og sa: «Kor lite tru du har! Kvifor tvila du?»
32 Så steig dei opp i båten, og vinden la seg.
33 Men dei som var i båten, fall på kne for han og sa: «Du er sanneleg Guds Son!»
34 Då dei kom over, la dei til lands i Gennesaret.
35 Folket der på staden kjende han att og sende bod kringom i heile grannelaget, og dei kom til han med alle som var sjuke.