17 De skal ta kvar si glopanne og leggja røykjelse på dei. Kvar mann skal bera si eiga glopanne fram for Herren, to hundre og femti glopanner. Du og Aron skal òg ta kvar si glopanne.»
18 Så tok kvar mann si glopanne, hadde glødande kol i dei og la røykjelse på. Så stilte dei seg i opninga til teltheilagdomen saman med Moses og Aron.
19 Korah samla heile forsamlinga mot dei ved opninga til teltheilagdomen.Då synte Herrens herlegdom seg for heile forsamlinga.
20 Herren sa til Moses og Aron:
21 «Skil dykk ut frå denne forsamlinga, så skal eg fortæra dei på ein augneblink!»
22 Då kasta dei seg ned med andletet mot jorda og sa: «Gud, Gud over livsanden i alt som er av kjøt og blod! Blir du harm på heile forsamlinga fordi éin mann syndar?»
23 Herren sa til Moses: