26 Men Bileam svara: «Har eg ikkje sagt deg at eg må gjera alt det som Herren seier?»
27 Då sa Balak til Bileam: «Kom, så skal eg ta deg med til ein annan stad. Kanskje Gud synest det er rett at du forbannar folket for meg derifrå.»
28 Så tok Balak med seg Bileam opp på toppen av Peor-fjellet, der ein kan sjå ut over heile øydemarka.
29 Bileam sa til Balak: «Bygg sju altar for meg her, og gjer klar sju oksar og sju vêrar til meg!»
30 Balak gjorde som Bileam sa, og ofra ein okse og ein vêr på kvart altar.