10 Då flamma Balaks vreide opp mot Bileam. Han slo hendene saman og sa til han: «Eg kalla deg hit for at du skulle forbanna fiendane mine, og sjå, no har du velsigna dei rikt tre gonger!
11 Kom deg no heim att! Eg sa eg skulle visa deg stor ære. Men sjå, den æra har Herren nekta deg.»
12 Bileam svara Balak: «Eg sa då alt til dei mennene du sende:
13 Om Balak gav meg alt sølv og gull han har i huset, kunne eg ikkje gå imot det Herren seier og gjera noko etter mitt eige hjarte, anten godt eller vondt. Det Herren har sagt, må eg seia.
14 Sjå, no dreg eg heim att til mitt eige folk. Men først vil eg varsla deg kva dette folket kjem til å gjera mot folket ditt i dagar som kjem.»
15 Så bar han fram sin visdomstale:Ord frå Bileam, son til Beor,ord frå mannen med det klåre auget,
16 ord frå han som høyrer Guds utsegn,som får kjenna kunnskapen frå Den høgsteog sjå syn frå Den veldige,som sig saman, men med opna auge: