5 Moses la saka deira fram for Herren,
6 og Herren sa til han:
7 «Det er rett, det som døtrene til Selofhad seier. Gjev dei eigedom til arv saman med farbrørne deira, og lat farsarven gå over til dei!
8 Sei til israelittane: Når ein mann døyr sonelaus, skal de la arven etter han gå over til dottera.
9 Har han inga dotter heller, skal de gje arven til brørne hans.
10 Og har han ikkje brør, skal de la farbrørne hans få arven.
11 Men hadde ikkje far hans nokon bror, skal de gje arven etter han til den næraste slektningen hans. Då er den hans eigedom.» Dette skal vera lov og rett for israelittane, slik Herren påla Moses.