28 Dei kledde av han og hengde på han ei skarlaksraud soldatkappe,
29 fletta ei tornekrone og sette på hovudet hans og gav han ein kjepp i høgre handa. Dei fall på kne for han, spotta han og sa: «Ver helsa, du konge over jødane!»
30 Så spytta dei på han og tok kjeppen og slo han i hovudet.
31 Då dei hadde hånt han, tok dei av han kappa og hadde på han hans eigne klede.Så førte dei Jesus bort for å krossfesta han.
32 På vegen møtte dei ein mann frå Kyréne som heitte Simon, og han vart tvinga til å bera krossen.
33 Då dei kom til ein stad som heiter Golgata – det tyder Hovudskallestaden –
34 gav dei Jesus vin blanda med galle. Men då han smaka på det, ville han ikkje drikka.