3 Då kom freistaren til han og sa: «Er du Guds Son, så sei at desse steinane skal bli til brød!»
4 Jesus svara: «Det står skrive: Mennesket lever ikkje av brød åleine, men av kvart ord som går ut frå Guds munn.»
5 Då tok djevelen han med seg til den heilage byen, sette han ytst på tempelmuren
6 og sa: «Er du Guds Son, så kast deg utføre! For det står skrive: Han skal gje englane sine påbod om deg.Og: Dei skal bera deg på hendene så du ikkje støyter foten på nokon stein.»
7 Men Jesus sa til han: «Det står òg skrive: Du skal ikkje setja Herren din Gud på prøve.»
8 Så tok djevelen han med seg opp på eit svært høgt fjell og synte han alle rika i verda og deira herlegdom
9 og sa: «Alt dette vil eg gje deg om du fell ned og tilbed meg.»