8 Auā o lenei, ‘ua matou ola, pe ‘āfai tou te tumau i le Ali‘i.
9 Se a fo‘i se fa‘afetai matou te mafaia ‘ona tu‘uina atu i le Atua ‘ona o ‘outou, auā o le ‘oli‘oli uma lava matou te ‘oli‘oli ai i luma o lo tatou Atua ‘ona o ‘outou.
10 O lo‘o matou matuā ole atu ai i le po ‘atoa ma le ao, ‘ina ‘ia tatou feiloa‘i ma ‘outou, e fa‘a‘ato‘atoaina ai mea e le‘i ‘atoa i lo ‘outou fa‘atuatua?
11 A ‘ia ta‘ita‘iina la matou malaga ‘iā te ‘outou e le Atua lava, lo tatou Tamā, ‘atoa ma lo tatou Ali‘i o Iesu Keriso.
12 ‘Ia fa‘atele fo‘i e le Ali‘i, ma ‘ia fa‘asilisili ‘ona tele o lo ‘outou alofa, o le tasi i le tasi, ‘atoa ma tagata uma, fa‘apei o i matou nei lava ‘iā te ‘outou.
13 ‘Ina ‘ia fa‘atumauina o ‘outou loto e lē mata‘uleagaina i le amio lelei i luma o le Atua lo tatou Tamā, pe a afio mai lo tatou Ali‘i o Iesu Keriso, fa‘atasi ma ona ‘au pa‘ia uma. #