28 ma ‘ia manatua ma faia o ia lava aso i tupulaga uma, i lea ‘āiga ma lea ‘āiga, i lea itū mālō ma lea itū mālō, i lea ‘a‘ai ma lea ‘a‘ai; ‘aua fo‘i le toe mavae i sa Iutā o ia lava aso o Puro, ma ‘ia lē tu‘ua le fa‘amanatunatu i ai i la latou fānau.
29 O le masiofo o Eseta, le afafine o Aviaila, ma Moretekai o lo sa Iutā, na la tusi atu ma le pule lava se fa‘amauina ai lenei lua o tusi i Puro.
30 ‘Ua ia avatua fo‘i tusi i sa Iutā uma i itū mālō e tasi le selau e lua sefulu ma le fitu o le mālō o Asueru, o ‘upu alofa ma le fa‘amaoni,
31 ‘ina ‘ia fa‘amauina o ia aso o Puro i ona lava po, e pei ‘ona pule e Moretekai o lo sa Iutā ma le masiofo o Eseta ‘iā te i latou, e pei ‘ona latou fa‘atūina fo‘i mo i latou ma a latou fānau, o mea o anapogi ma lo latou ‘alalaga.
32 O le poloa‘iga a Eseta na fa‘amauina ai o ia mea o Puro; na tusia ai fo‘i le tusi.#