1 Fa‘auta mai:O ia ona aso ma lea tausaga,pe a ‘ou fa‘afoisia le tāfeaga o Iuta ma Ierusalema.
2 ‘Ou te fa‘apotopotoina ai nu‘u uma lava,‘ou te ‘aveina ifo i latou i le vanu o Iosefatu.‘Ou te fa‘asalaina ai i latou ‘ona o lo‘u nu‘uma lo‘u tofi o Isaraeluo ē na fa‘ata‘ape‘apeina e i latou i nu‘u ‘ese,o lo‘u fanua fo‘i na latou tofitofia.
3 ‘Ua latou fai le vili e maua ai lo‘u nu‘u‘ua latou tu‘uina atu se tama e fai ma tau o se fafine talitane,‘ua avatu fo‘i se teine ma tau o uaina latou te feinu ai.
4 Turo e ma Saitonu ma le itū uma o Filisitia e, se a la ‘outou na ‘iā te a‘u? tou te ‘aumai ‘ea se taui ‘iā te a‘u ‘āfai tou te taui mai ‘iā te a‘u, ‘ou te ta‘alise ‘ona fa‘afo‘i fa‘afuase‘i lo ‘outou taui i o ‘outou ulu.
5 Auā ‘ua ‘outou ‘avea la‘u ario ma la‘u auro, o a‘u mea lelei ma le aogā tele ‘ua avatu ai i o ‘outou malumalu.
6 O le fānau a Iuta ma le fānau a Ierusalema ‘ua ‘outou fa‘atauina i le fānau a Iavana, ‘ina ‘ia ‘outou ‘ave mamao ‘iā te i latou i o latou nu‘u.
7 Fa‘auta mai, ‘ou te lagaina i latou a‘i le mea ‘ua ‘outou fa‘atauina atu i ai i latou, ‘ou te fa‘afoisia fo‘i lo ‘outou taui i o ‘outou ulu.
8 ‘Ou te fa‘atau atu o ‘outou atali‘i ma o ‘outou afafine i le pule a le fānauga a Iuta, latou te fa‘atau atu fo‘i ‘iā te i latou i Sepea, o le nu‘u mamao; auā ‘ua fetalai mai ai le ALI‘I.
9 ‘Ia ‘outou tala‘iina atu lenei mea i nu‘u ‘ese,‘ia ‘outou sauniuni le tau‘a.‘Ia ‘outou lagaina tagata totoa,‘ia fa‘alatalata mai ma ō a‘e o tagata tau uma lava.
10 ‘Ia ‘outou tu‘itu‘i le u‘amea o ‘outou suōtosina e fai ma peluma a ‘outou polo teu vine e fai ma tao;‘ia fa‘apea mai le ‘ua vaivai, “‘Ua malosi a‘u.”
11 ‘Outou nu‘u uma e,‘ia ‘outou fa‘apotopoto ma soloa‘i mai,‘ia ‘outou fa‘apotopoto fo‘i ai itū uma.Le ALI‘I e, ‘ia e fa‘ao‘o ifo i lea mea au ‘au malolosi.
12 ‘Ia laga mai o nu‘u ‘ese ma ō a‘e i le vanu o Iosefatu;auā ‘ou te nofo ai e fa‘amasino i nu‘u uma mai itū uma.
13 ‘Ia ‘outou tu‘u atu le selesaito, auā ‘ua afu saito;ō mai ia, ‘inā ‘outou ō ifo;auā ‘ua tumu le mea e soli ai vine,‘ua taumasuasua o latou tu‘ugāuaina auā‘ua tele lo latou leaga.
14 E to‘atele lava tagata i le vanu e fa‘asalaina ai.Auā ‘ua latalata mai le aso o le ALI‘Ii le vanu e fa‘asalaina ai.
15 E fa‘apouliuligia le lā ma le masinao fetū fo‘i e lē toe fepulafi mai.
16 E fa‘ataiō fo‘i le ALI‘I mai Siona,e tulei ifo lona si‘ufofoga a‘i Ierusalema;e lūlūina le lagi ma le lalolagi.A o le ALI‘I o le malu o ia o lona nu‘uma le ‘olo o le fānauga a Isaraelu.
17 Tou te iloa fo‘i o a‘u o le ALI‘I lo ‘outou Atua,o lē nofo i Siona lo‘u mauga pa‘ia.‘Ona pa‘ia lea o Ierusalema,o tagata ‘ese fo‘i latou te lē toe ui atu ai lava.
18 A o‘o fo‘i i lea aso, ‘ona tautulu mai lea o suāvine i mauga,e tafe fo‘i le suāsusu i mauga iti,o alia uma fo‘i o Iuta e tafe mai ai suāvai;e tafe mai i se punāvai a‘i le fale o le ALI‘I,e fa‘asūsū ai le vanu o Setima.
19 E fa‘atafunaina Aikupito,e ‘avea Etoma ma lau‘ele‘ele gaogao,‘ona o le fa‘asauā i le fānauga a Iuta,auā ‘ua latou fa‘amaligiina i lo latou nu‘u le toto o ē le sala.
20 ‘Ae tumau Iuta e fa‘avavau,o Ierusalema fo‘i i lea tupulaga ma lea tupulaga.
21 ‘Ou te fa‘amamā lo latou toto sa lē fa‘amamāina e a‘u;o a‘u lava o le ALI‘I o lē nofo i Siona.