9 O lenei, ‘ia ‘outou ole atu i luma o le Atua ‘ina ‘ia alofa mai o ia ‘iā te i tatou; ‘ua tupu mai ‘iā te ‘outou lenei mea; pe na te talia mai ‘ea ‘outou? ‘ua fetalai mai ai le ALI‘I o ‘au.
10 O ai lava so ‘outou na te punitia fua faitoto‘a? Tou te lē tafu fua le afi i la‘u fatafaitaulaga; e leai lava so‘u fiafia ‘iā te ‘outou, ‘ua fetalai mai ai le ALI‘I o ‘au; ‘ou te lē talia fo‘i se taulaga a‘i o ‘outou lima.
11 Auā e fua mai i le mea e alu a‘e ai le lā, e o‘o i le mea e alu ifo ai, e vi‘ia ai lo‘u igoa i nu‘u ‘ese; e ‘aumaia fo‘i le mea manogi e mū i lo‘u igoa i nu‘u uma lava, ‘atoa ma le taulaga lelei; tāua e vi‘ia lo‘u igoa i nu‘u ‘ese, ‘ua fetalai mai ai le ALI‘I o ‘au.
12 A o ‘outou, ‘ua ‘outou fa‘aleagaina ai, ‘ina ‘ua ‘outou fai ane: ‘Ua leaga le la‘o‘ai a le ALI‘I; mōna fua, o ana mea e ‘ai lea, o le mea fa‘atauva‘a lava.
13 ‘Ua ‘outou fai ane fo‘i, “Auē, o le mea tigā na‘uā ma ‘outou ‘ino‘ino i ai,” ‘ua fetalai mai ai le ALI‘I o ‘au; ‘ua ‘outou ‘aumaia fo‘i le mea ‘ua faoa, ma le mea pipili, ma le mea e ma‘i; ‘ua ‘outou ‘aumai ai ma taulaga? ‘Ou te talia ‘ea lea mea ‘ai o ‘outou lima? ‘ua fetalai mai ai le ALI‘I.
14 A ‘ia fa‘afanoina le tagata pepelo ‘ua i ai le po‘a i lana lafu, a ‘ua tautō o ia ma fai taulaga i le Ali‘i i le mea leaga; auā o le Tupu sili lava a‘u, ‘ua fetalai mai ai le ALI‘I o ‘au; e mata‘utia lava lo‘u igoa i nu‘u ‘ese.#