11 Jezui e dinte kush do ta tradhtonte prandaj tha: «Ju nuk jeni të gjithë të pastër».
12 Pasi u lau këmbët, Jezui veshi rrobat, u ul përsëri e u tha:«E kuptoni këtë që ju bëra?
13 Ju më quani Mësues dhe Zot dhe mirë thoni, sepse jam.
14 Nëse unë pra, Zoti dhe Mësuesi, ju lava këmbët, edhe ju duhet t’ia lani këmbët njëri-tjetrit.
15 Ju dhashë shembullin që të bëni siç bëra unë.
16 Me të vërtetë po ju them se asnjë shërbëtor nuk është më i madh se i zoti dhe asnjë i dërguar nuk është më i madh se ai që e ka dërguar.
17 Nëse i keni kuptuar këto gjëra dhe nëse i zbatoni, do të jeni të lum.