4 Vraponin që të dy, por dishepulli tjetër vrapoi më shpejt se Pjetri dhe mbërriti i pari te varri.
5 U përkul dhe pa pëlhurat e lëna atje, por nuk hyri brenda.
6 Ndërkohë mbërriti edhe Simon Pjetri që po vinte pas tij dhe hyri në varr. Aty pa të lëna pëlhurat
7 si dhe rizën që kishte qenë mbi kokën e Jezuit. Kjo nuk ishte me pëlhurat, por ishte e mbështjellë veç në një vend tjetër.
8 Atëherë hyri edhe dishepulli tjetër që kishte mbërritur i pari te varri. Ai pa dhe besoi.
9 Ata nuk e kishin kuptuar ende Shkrimin e shenjtë që thoshte se Jezui duhej të ngjallej prej të vdekurve.
10 Pastaj dishepujt u kthyen përsëri në shtëpi.