20 Turma iu përgjigj: «Ty të ka pushtuar djalli. Kush kërkon të të vrasë?».
21 Jezui u tha:«Një mrekulli bëra dhe u habitët të gjithë.
22 Moisiu ju dha rrethprerjen, e cila në fakt nuk është dhënë nga Moisiu, por nga etërit, e, megjithatë, ju e rrethpritni njeriun të shtunën.
23 Nëse një njeri rrethpritet të shtunën, që të mos shkelet ligji i Moisiut, përse zemëroheni me mua, sepse shërova tërësisht një njeri të shtunën?
24 Mos gjykoni nga pamja e jashtme, por gjykoni me drejtësi».
25 Disa nga Jerusalemi thoshin: «A nuk është ky ai që e kërkojnë për ta vrarë?
26 Ja, ai po flet lirisht dhe nuk i thonë gjë! A mos kanë pranuar me të vërtetë krerët se ky është Krishti?