30 Shumë njerëz besuan në Jezuin kur e dëgjuan të fliste kështu.
31 Jezui u tha judenjve që besuan në të: «Nëse qëndroni në fjalën time, do të jeni me të vërtetë dishepujt e mi,
32 do të njihni të vërtetën dhe e vërteta do t’ju bëjë të lirë».
33 Ata iu përgjigjën: «Ne jemi pasardhës të Abrahamit dhe nuk kemi qenë kurrë skllevër të askujt. Si mund të thuash: “Do të bëheni të lirë”?».
34 Jezui u përgjigj:«Me të vërtetë po ju them se kushdo që mëkaton është skllav i mëkatit.
35 Skllavi nuk rri përgjithmonë në shtëpi, ndërsa biri rri gjithmonë.
36 Nëse Biri do t’ju bëjë të lirë, do të jeni me të vërtetë të lirë.