Baheberu

¹³Hape o re: Ke tla mo tshepa. Hapehape o re: Bona, ke nna enwa le bana bao Modimo o nneileng bona. ¹⁴Mme kahobane bana ba na le kabelo nameng le mading, le yena o ile a ba le kabelo teng jwaloka bona, hore a fedise ka lefu la hae ya nang le mmuso wa lefu, ke ho re, Diabolose, ¹⁵mme a lokolle bohle ba neng ba le bohlankeng ka matsatsi wohle a ho phela ha bona ke ho tshaba lefu. ¹⁶Hobane kannete ha a ka a tlela mangeloi, empa o tletse leloko la Abrahama. ¹⁷Ka baka leo, ho ne ho tshwanetse hobane a ka etswa ya tshwanang kahohle le banababo, e tle e be moprista e moholo ya mohau, ya tshepehang ditabeng tsa Modimo, a tle a etsetse dibe tsa setjhaba pheko. ¹⁸Hobane erekaha a utlwile bohloko mohla a lekwang, ke kahoo a tsebang ho thusa ba lekwang.