Baheberu

⁶Jwalokaha lengolong le leng ho itswe: Wena, o moprista ka ho sa feleng, ka mokgwa wa Melkisedeke. ⁷ Ke Jesu eo, mehleng ya nama ya hae, ya kileng a hlahisa, ka mohoo o moholo le ka meokgo, merapelo ya hae e bohloko ho ya neng a ka tseba ho mo lwela lefung; mme eitse hobane a utluwe, ka baka la borapedi ba hae, ⁸leha e ne e le Mora, o ithutile kutlo ka tse bohloko tse mo hlahetseng. ⁹Mme jwale, ha a phethehile, o entswe moetsi wa poloko e sa feleng ho bohle ba mo utlwang, ¹⁰mme Modimo o mmoletse hore ke moprista e moholo, ka mokgwa wa Melkisedeke. ¹¹Bakeng seo, re na le taba tse ngata tseo re ka di bolelang, empa di thata ho hlaloswa, ka hobane le fetohile ba botswa ho mameleng. ¹²Hobane ekabeba ke kgale le le baruti, athe le sa ntse le tshwanelwa ke ho rutwa ditaba tsa bonyenyane, tseo taba tsa Modimo di qalwang ka tsona; mme le fetohile batho ba tshwanelwang ke ho fepjwa ka lebese, e seng ka dijo tse tiileng.