Baheberu

³Hobane moprista e moholo e mong le e mong o ye a bewe ho hlahisetsa Modimo dinyehelo le mahlabelo; ka baka leo, e ka kgona eo le yena a be le seo a se hlahisang. ⁴Hojane a le lefatsheng, o ne a ya hloka tokelo ya ho ba moprista, kahobane baprista ba teng ba hlahisang dinyehelo ka molao; ⁵ba sebetsang ka tse tshwantshang dintho tsa lehodimo le diriti tsa tsona, kamoo Modimo o neng o laetse Moshe kateng, ha a tla etsa tabernakele, wa re: Lemoha hantle, o etse ntho tsohle ka tekanyetso ya tseo o di bontshitsweng. ⁶Empa moprista e moholo wa rona o filwe tshebeletso e fetisang, kahobane e le mmuelli wa selekane se fetisang, se hlabilweng ka dipallo tse fetisang le tsona. ⁷Hobane hoja sa pele ha se a ka sa hloka letho, sebaka sa ho batla sa bobedi se ka be se bile siyo. ⁸Athe ke ka nyatso Modimo o itseng ho Bajuda: Bonang, nako e sa tla eo ke tla etsa selekane se setjha le ntlo ya Iseraele le ntlo ya Juda: ho itswalo ke Morena; ⁹e seng jwaloka selekane seo ke neng ke se etse le bontata bona, mohla ke ba tshwereng ka letsoho, ka ba ka ba ntsha naheng ya Egepeta; hobane ha ba ka ba tiisetsa selekaneng sa ka, mme ke ba lahlile ke hona, ho itswalo ke Morena.