Baroma

¹⁰ke ntse ke kopa kamehla merapelong ya ka hore na, ha e ka ba ho rata ha Modimo, nke ke ka fuwa sebaka se setle sa ho ya ho lona. ¹¹Hobane ke hlolohetswe ho le bona, ke tle ke le sitse ka molemo o mong wa Moya, le tle le tiiswe; ¹²ke ho re, ha ke ena le lona, re tshedisane ka tumelo e leng ho lona le ho nna. ¹³Banabeso, ha ke rate ha le sa tsebe hobane ke rerile hangata ho ya ho lona, ke tle ke kge ditholwana tse ding le ho lona, jwalokaha ke entse ditjhabeng tse ding; ke mpa ke thibetswe ho fihlela jwale. ¹⁴Ke molato ho Bagerike le ho babarebare, ho ba bohlale le ho ba mawatla. ¹⁵Mme jwale, haele ka nna, ke itokisitse ho bolela Evangeli le ho lona ba leng Roma. ¹⁶Hobane ha ke na dihlong tsa ho bolela Evangeli, hobane ke matla a Modimo a ho pholosa mang le mang ya dumelang, Mojuda pele, le yena Mogerike.