Baroma

¹⁶Empa hase bohle ba mametseng Evangeli; jwalokaha Esaia a itse: Morena, ke mang ya dumetseng polelo ya rona? ¹⁷Tumelo e fela e tla ka ho utlwa, mme kutlo e tla ka polelo ya Modimo. ¹⁸Empa ke re: Hleka ha ba ka ba e utlwa na! E, ba e utlwile. Tumo ya bona e ile ka lefatsheng lohle, mme dipolelo tsa bona di utlwahetse ho fihlela dipheletsong tsa lefatshe. ¹⁹Empa ke re: Na Iseraele ha a ka a tseba na? Moshe o qadile, a re: Ke tla le etsa mona ka setjhaba seo e seng sona; ke tla le halefisa ka setjhaba se se nang kelello. ²⁰Mme Esaia o buile phatlalatsa haholo, ka ho re: Ke fumanwe ke ba neng ba sa mpatle; ke ipontshitse ho bao ke neng ke sa botswe ke bona. ²¹Empa ha a lekanya Iseraele, o re: Ke otlolotse matsoho a ka ka tsatsi lohle, ho bitsa setjhaba se sa utlweng, se hanyetsang.